AQSh Rossiya va Xitoyga qarshi kurashga mo‘ljallangan gibrid qiruvchi yaratdi – OAV

Jahon armiyalari va qurollariga bag‘ishlangan Defence 1 sayti AQShda yangi jangovar samolyot ishlab chiqilganini ma'lum qildi.

Gap 5-avlodagi F-22 Raptor qiruvchi samolyotining “gibrid” modifikatsiyasi haqida ketmoqda.

Xususan, samolyot eng yangi F-35 samolyoti uchun yaratilgan elektron qurilmalar bilan ta'minlangan. Yangi samolyot F-35’ning bort elektronikasi bilan jihozlanishi taxmin qilinmoqda.

Samolyotni ishlab chiqqan Lockheed Martin kompaniyasi uni AQSh harbiy-havo kuchlariga namoyish qilgan. Yangi samolyotlarni Rossiya va Xitoy aviatsiya qo‘shinlariga qarshi kurashga yo‘naltirish rejalashtirilgan.