Afg‘onistonda Moldova kompaniyasi vertolyoti halokatga uchradi 

Afg‘onistonda Moldova kompaniyasi vertolyoti halokatga uchradi. Buning oqibatida vertolyot ekipajining 2 a'zosi va 10 yo‘lovchi halok bo‘lgan. Ikki kishi omon qolgan, deb xabar bermoqda Moldova fuqarolik aviatsiyasi organi.

Ta'kidlanishicha, Valan International Cargo Charter kompaniyasining MI-8 MTV vertolyoti 2 sentabrda Mozori-Sharifdagi harbiy bazadan ko‘tarilgandan biroz o‘tib yerga qulagan. Vertolyot ekipaji 3 ukrainalikdan iborat bo‘lgan. Vertolyotdagi yo‘lovchilar Afg‘oniston fuqarolari bo‘lgan.  

Ma'lum qilinishicha, voqea sabablari va tafsilotlarini aniqlash maqsadida tergov boshlagan.