Turkiyada traktor va mikroavtobusning to‘qnashuvi oqibatida 7 kishi halok bo‘ldi

Turkiyaning G‘aziantep viloyatida traktor va mikroavtobusning to‘qnashuvi oqibatida 7 kishi halok bo‘ldi. Bu haqda Daily Sabah nashri xabar berdi.

Yo‘l-transport hodisasi oqibatda 4 kishi voqea joyida halok bo‘lgan, yana 3 kishi shifoxonada jon bergan.

Shuningdek, 19 kishi jarohat olgan, ulardan 3 nafarining ahvoli og‘irligi aytilmoqda. 

Ta'kidlanishicha, traktor dalalarda hosil yig‘ish bilan shug‘ullangan fermerlarni olib ketayotgan bo‘lgan. Yo‘l-transport hodisasi sabablari aniqlashtirilmoqda.