Britaniya mudofaa vaziri Afg‘onistondan IShID terrorchilari tahdidi haqida ma'lum qildi

Britaniya mudofaa vaziri Gevin Uilyamsonning ma'lum qilishicha, Buyuk Britaniyaga Afg‘onistondan IShID guruhi terrorchilari tahdid solmoqda. Bu haqda Sky News xabar berdi.

Uning so‘zlariga ko‘ra, Afg‘onistonda faoliyat yurituvchi terrorchilik guruhlari Yevropada «hujumga o‘tish uchun salohiyatga ega».

Shuningdek, uning qo‘shimcha qilishicha, bu guruhlar butun Yevropadagi hammaslaklari bilan aloqadordir.

Uilyamsonning ta'kidlashicha, Britaniya bu guruhlarning hujumlarini oldini olish uchun harakat qilishi kerak.

Eslatib o‘tamiz, avvalroq Rossiya Suriyada kim IShID o‘rnini egallashini ma'lum qilgandi.