Davlat raqobat qo‘mitasi hukumatning tashqi reklama bo‘yicha qarori yuzasidan amaliy seminar o‘tkazadi

O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi tashabbusi bilan 2018 yilning 13 sentabr kuni amaliy seminar o‘tkaziladi.

Davlat raqobat qo‘mitasi binosida tashkillashtiriladigan seminar Vazirlar Mahkamasining 2018 yil 30 avgustdagi “Tashqi reklamani joylashtirish sohasidagi faoliyatni yanada takomillashtirish chora-tadbirlari to‘g‘risida”gi qarori mohiyatini reklama bozorlari sub'yektlari orasida tushuntirishga bag‘ishlanadi. 

Eslatib o‘tamiz, avvalroq hukumat tashqi reklama bo‘yicha qaror qabul qilgani, jiddiy o‘zgarishlar borligi xabar berilgandi.