30 avgust kuni O‘zbekiston bosh vaziri «Tashqi reklamani joylashtirish sohasidagi faoliyatni yanada takomillashtirish chora-tadbirlari to‘g‘risida»gi qarorni imzoladi.
Hujjat bilan belgilab qo‘yilishicha, 2018 yil 1 dekabrdan boshlab:
Tashqi reklama obektlarini (konstruksiyalarini) joylashtirish uchun yer uchastkalari, davlat mulki bo‘lgan bino va inshootlar ro‘yxatini shakllantirish, tavsiya etiladigan reklama konstruksiya turlari va ularni joylashtirish xaritalari (sxemalari)ni tuzish hamda OAVda e'lon qilish Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan ichki ishlar, qurilish organlari hamda Xususiylashtirilgan korxonalarga ko‘maklashish va raqobatni rivojlantirish davlat qo‘mitasi hududiy bo‘linmalari bilan hamkorlikda amalga oshiriladi;
Tashqi reklama obektlarini (konstruksiyalarini) yer uchastkalarida, shuningdek, davlat mulki bo‘lgan bino va inshootlarda joylashtirish huquqini berish «E-IJRO AUKSION» yagona elektron savdo maydonchasida ochiq elektron auksionlar orqali amalga oshiriladi, qonun hujjatlarida belgilangan holatlar bundan mustasno;
«E-IJRO AUKSION» yagona elektron savdo maydonchasida ochiq elektron auksionlar orqali berilgan tashqi reklama obektlarini (konstruksiyalarini) yer uchastkalarida, shuningdek, davlat mulki bo‘lgan bino va inshootlarda joylashtirish huquqiga shartnomalar tuzish tuman (shahar) hokimlari tomonidan amalga oshiriladi;
Tashqi reklama obektlarini (konstruksiyalarini) yer uchastkalarida va davlat mulki bo‘lgan bino va inshootlarda joylashtirish huquqini elektron auksion natijalari asosida sotishdan tushgan mablag‘lar, shuningdek, o‘rnatilgan tashqi reklama obektlari (konstruksiyalari) uchun oylik to‘lovlar tumanlar (shaharlar) byudjyetiga yo‘naltiriladi;
Tashqi reklama joylashtirish huquqi uchun mahalliy davlat hokimiyati organlari tomonidan belgilanadigan miqdorda yig‘im undiriladi, undirish tartibi Vazirlar Mahkamasi tomonidan belgilanadi;
Tashqi reklamani joylashtirish huquqini berish bo‘yicha shartnomalar tuzishni tuman (shahar) hokimliklari amalga oshiradi, tashqi reklamani joylashtirish huquqini berish uchun yig‘imlarning 90 foizi tuman (shahar) byudjyetiga, 10 foizi esa - “Tasviriy oyina” ijodiy birlashmasi va uning hududiy filiallariga milliya g‘oya va ma'naviyat targ‘iboti tadbirlarini moliyalashtirish, uning apparati xodimlarini ta'minlash uchun yo‘naltiriladi;
Ijtimoiy reklama ma'lumotini joylashtirishning eng kam muddati har bir tashqi reklama obekti bo‘yicha amalga oshiriladi.
Belgilanishicha, tashqi reklama obektlarini yer uchastkalarida va davlat mulki bo‘lgan bino va inshootlarda joylashtirish huquqini «E-IJRO AUKSION» yagona elektron savdo maydonchasida ochiq elektron auksionlar orqali sotishning boshlang‘ich narxi:
