O‘zbekiston va Turkmaniston Tashqi ishlar vazirliklari maslahatlashuvlar o‘tkazdi

2017-2018 yillarda O‘zbekiston Respublikasi bilan Turkmaniston Tashqi ishlar vazirliklari o‘rtasida hamkorlik dasturiga binoan 2018 yilning 5-6 sentabr kunlari Ashxobod shahrida konsullik masalalari bo‘yicha navbatdagi O‘zbekiston-Turkmaniston maslahatlashuvlari bo‘lib o‘tdi. Bu haqda TIV axborot xizmati xabar berdi.

Uchrashuvda tomonlarning Minsk konvensiyasi qoidalarini ijrosi borasidagi o‘zaro hamkorligiga ijobiy baho berildi. Shu bilan birga, ta'kidlanganidek, O‘zbekiston bilan Turkmaniston o‘rtasida iqtisodiy va migratsiya jarayonlarini kengayishi ikki davlat tegishli organlari o‘rtasidagi hamkorlikni, jumladan vakolatli organlarning so‘rovlarini o‘z vaqtida ko‘rib chiqish va bajarish, birinchi davlat hududidagi ikkinchi davlat fuqarolariga bog‘liq tegishli xabarnomalarni belgilangan muddatlarda yuborish masalalarini faollashtirishni talab qiladi.

Tadbir yakunida Bayonnoma imzolandi.