IIV markaziy apparatida 8ta tayinlov yuz berdi​

O‘zbekiston Respublikasi Ichki ishlar vazirligining markaziy apparatida rahbarlik lavozim​lariga yangi xodimlar tayinlandi. Bu haqda IIV Jamoatchilik va ommaviy axborot vositalari bilan aloqalar boshqarmasi xabar bermoqda. 

Ma'lum qilinishicha,  vazirlik Kadrlar bosh boshqarmasi boshlig‘ining birinchi o‘rinbosari-xizmat o‘tashni tashkillashtirish boshqarmasi boshlig‘i lavozimiga​ polkovnik To‘lqinboy​ Jumanov, IIV Kadrlar bosh boshqarmasi boshlig‘ining o‘rinbosari-kasbiy tayyorgarlikni tashkillashtirish boshqarmasi boshlig‘i lavozimiga mayor Farrux Akmalov, IIV Kadrlar bosh boshqarmasi, Tashkiliy-shtat ishlari boshqarmasi boshlig‘i lavozimiga​ esa podpolkovnik Azamat Axmedov tayinlandi. 

Shuningdek, IIV Ichki ishlar organlari xodimlarini boshlang‘ich tayyorlash va malakasini oshirish markazi​ (Toshkent shahri) boshlig‘i​​ etib polkovnik Alisher Usmanov tayinlangan. IIV Jazoni ijro etish bosh boshqarmasi boshlig‘ining o‘rinbosari-kadrlar boshqarmasi boshlig‘i​ sifatida ​podpolkovnik Abror Sabirjanov ish boshlaydi.

“Postda”-“Na postu” gazetalari va “Qalqon”-“SHCHit” jurnallari birlashgan tahririyati bosh muharriri lavozimiga​  Bernora​ Sodiqova,  IIV Malaka oshirish institutiga Abdurahmon Pardiyev boshliq etib tayinlandi. Podpolkovnik Sherali Turayev IIV Ixtisoslashtirilgan maktab-internati direktori ​sifatida ish boshlaydi.

IIV tizimida davom etayotgan o‘zgarishlar viloyatlar kesimidan so‘ng markaziy apparatga yaqinlashib qolgani ma'lum bo‘lmoqda. Ayni o‘zgarishda katta urg‘u kadrlar bilan ishlaydigan rahbarlarga qaratilgan.