«Yuventus» hujumchisi Krishtianu Ronaldu A Seriyaning 4-turi doirasida «Sassuolo»ga qarshi o‘yinning 50-daqiqasida hisobni ochdi.
Bu gol ushbu 33 yoshli portugaliyalik futbolchi uchun «Yuventus» safidagi ilk gol bo‘ldi.
O‘yinning 65-daqiqasida u dublni rasmiylashtirdi.
Ronaldu shu yil yozida Madridning «Real» klubidan «Yuventus»ga 112 mln yevro evaziga o‘tgandi. U dastlabki turlarda faqat bir golli uzatmaga mualliflik qilgandi.
Qayd etish kerakki, Ronaldu keyingi ikki hafta davomida «Yuventus» bilan qat'iy tartibda shug‘ullandi. Portugaliya terma jamoasi bosh murabbiyi ham yangi jamoasiga moslashib olishi uchun uni terma jamoa yig‘iniga jalb etmadi.
