Видео: Роналду «Ювентус» сафида илк голини урди

«Ювентус» ҳужумчиси Криштиану Роналду А Сериянинг 4-тури доирасида «Сассуоло»га қарши ўйиннинг 50-дақиқасида ҳисобни очди.

Бу гол ушбу 33 ёшли португалиялик футболчи учун «Ювентус» сафидаги илк гол бўлди.

Ўйиннинг 65-дақиқасида у дублни расмийлаштирди.

Роналду шу йил ёзида Мадриднинг «Реал» клубидан «Ювентус»га 112 млн евро эвазига ўтганди. У дастлабки турларда фақат бир голли узатмага муаллифлик қилганди.

Қайд этиш керакки, Роналду кейинги икки ҳафта давомида «Ювентус» билан қатъий тартибда шуғулланди. Португалия терма жамоаси бош мураббийи ҳам янги жамоасига мослашиб олиши учун уни терма жамоа йиғинига жалб этмади.