Qirg‘iziston va O‘zbekiston davlat chegarasi yana 10 foizga muvofiqlashtirib olindi. Bu haqda Bishkekdagi brifingda Qirg‘iziston tashqi ishlar vaziri Erlan Abdildayev xabar berdi.
Uning so‘zlariga ko‘ra, bundan avval Qirg‘iziston va O‘zbekiston chegarani 85 foizga muvofiqlashtirib olish to‘g‘risidagi bitimni imzolagan.
«O‘zaro tushunish mamlakatlarimiz o‘rtasida yaxshi. So‘nggi muzokaralar davomida ma'lum bir uchastkalar bo‘yicha kelishuvlarga erishildi, bu haqda aniq nimanidir ayta olmayman. Biroq, ish 10 foiziga qadar yakunlandi, muzokara guruhlari tomonidan tegishli bayonnomalar rasmiylashtirilmoqda. Bu uzoq jarayon», - dedi u.
Qirg‘iziston va Tojikiston o‘rtasidagi chegarani delimitatsiya hamda demarkatsiya qilish bo‘yicha muzokaralar bosh vazirlar o‘rinbosarlari hamda komissiyalar darajasida davom etmoqda.
«Bu yil bosh vazirlar o‘rinbosarlari darajasida ikkita uchrashuv va komissiyalar darajasida 3-4ta uchrashuv o‘tkazildi. Yaxshi siljishlar bor», - dedi u.
