Yaponiya ta'lim va madaniyat vazirining o‘rinbosari korruptsion mojaro tufayli iste'foga chiqdi

Yaponiya ta'lim, madaniyat, sport, fan va texnologiyalar vazirining o‘rinbosari Kadzuo Todani vazirlikdagi pora olish holatlari sababli iste'foga chiqdi.

Bu keyingi ikki yilda vazirlikdagi mojarolar sababli vazir o‘rinbosari iste'foga chiqqan ikkinchi holatdir. O‘tgan yili Todanining o‘rnida bo‘lgan Kixey Maekava ham pensiyaga chiqqan vazirlik amaldorlarining davlat ta'lim muassasalariga rahbar etib tayinlanishi bilan bog‘liq mojaro sababli iste'foga chiqqandi.

Yaponiya hukumati bosh kotibi Yosixide Suga mazkur holatni "o‘ta achinarli" deb atadi va vazirlik bunday holatlar yuz berishining oldini olishi zarurligini ta'kidladi.