Farg‘onada mudhish YTH: 3 kishi halok bo‘ldi, yana 3 kishi jarohatlandi

Farg‘ona viloyati Favqulodda vaziyatlar boshqarmasidan olingan ma'lumotga asosan, 2018 yil 22 sentabr kuni soat 06:00larda Oltiariq tumani «Belariq» MFY hududidan o‘tuvchi PK- 51.2 «Navbahor – Uch uy – Oltiariq – Vodil» avtomobil yo‘lida harakatlanib ketayotgan «Lasetti» rusumli avtomobil vositasi boshqaruvni yo‘qotgan.

FVV xabariga ko‘ra, u qarama-qarshi yo‘nalishdan harakatlanib kelayotgan «VAZ-2106» rusumli hamda «Lasetti» rusumli avtomobil vositalari bilan to‘qnashuv sodir etgan. Natijada, «VAZ-2106» rusumli avtomobil vositasi yo‘lning o‘ng tarafidagi zovurga tushib ketgan, «Lasetti» rusumli avtomobil vositasi ham yo‘lning o‘ng tarafidagi zovurga tushib, yonib ketgan.

YTH natijasida, 3 nafar fuqaro vafot etgan, 3 nafar fuqaro tan jarohati olgan.

Vafot etgan fuqarolar:

1. Baxtiyor Xojiakbarov, 1977 y.t. 
2. A'zamjon Maxmudov, 1999 y.t. 
3. Axrorjon Kamoliddinov, 1999 y.t. 

Tan jarohati olgan fuqarolar:

1. Kamoliddin Manazarov, 1938 y.t.
2. Xursanoy Manazarova, 1952 y.t. 
3. Dilmurod Komilov, 1989 y.t. 

Jarohatlangan fuqarolar Oltiariq tumani tibbiyot birlashmasining jonlantirish bo‘limiga yotqizilgan.

Sodir bo‘lgan YTH yuzasidan dastlabki tergovoldi tekshiruv ishlari olib borilmoqda.