Kuba TIV rahbari o‘rinbosari O‘zbekistonga kelyapti

Foto: house.gov.by

2018 yilning 24 sentabr kuni Toshkent shahrida tashqi ishlar vazirliklari o‘rtasida O‘zbekiston-Kuba siyosiy maslahatlashuvlarining navbatdagi raundi bo‘lib o‘tadi, deb xabar bermoqda TIV axborot xizmati.

Maslahatlashuvlarda ishtirok etish uchun Kuba Respublikasining tashqi ishlar vaziri o‘rinbosari Ana Terisita Gonsalez Fraga boshchiligidagi delegatsiya mamlakatga keladi.

TIVdagi uchrashuv davomida ikki tomon kun tartibidagi qator masalalar, jumladan xalqaro tashkilotlar doirasidagi hamkorlik muhokama qilinishi kutilmoqda.