Aziz Abduhakimov Fransiyaning eng yirik qurilish kompaniyasi vakili bilan uchrashdi

O‘zbekiston Respublikasi Bosh vazir o‘rinbosari Aziz Abduhakimov Toshkent shahrida bo‘lib o‘tayotgan "Ipak yo‘lida turizm" ko‘rgazmasi doirasida Fransiyaning eng yirik qurilish kompaniyasi vakili Timur Jabua bilan hamkorlik istiqbollarini muhokama qildi. KUN.UZ muxbiri shu haqida xabar berdi. 

Fransiyaning eng yirik qurilish kompaniyasi hisoblangan Vinci Construction Pragadagi Four seasons mehmonxonasi, Parijdagi U Arena stadioni va Ashxoboddagi Milliy park kabi loyihalarni amalga oshirgan. 

Vinci Construction kompaniyasiga 1899 yilda asos solingan bo‘lib, u jahonning eng yirik qurilish pudratchilari sirasiga kiradi. Kompaniya turistik infratuzilma obektlari, xususan otel va mehmonxonalar qurilishi sohasida keng tanilgan.