Afg‘onistonning Vardaq viloyatida “Tolibon” jangarilari bilan to‘qnashuvlar davomida kamida 14 politsiyachi, jumladan mahalliy politsiya boshlig‘i halok bo‘ldi. Bu haqda TOLOnews telekanali ma'lum qildi.
Ma'lum qilinishicha, Said Obod uyezdidagi ba'zi nazorat-o‘tkazish punktlari jangarilar tomonidan bosib olingan. Ta'kidlanishicha, to‘qnashuvlar davom etmoqda.
Toliblar 6 oktabr kechki vaqt Kobuldan 85 km janubda joylashgan Said Obod uyezdiga hujum qilishgan.
“Toliblar yaqinda qurib bitkazilgan nazorat-o‘tkazish punktini vayron qilishib, shaharning ba'zi qismlarida energiya ta'minotini uzib qo‘yishgan. Hukumat qo‘shinlari jangarilarni shaharga qo‘ymaslik uchun ularga qarshi urishmoqda”, deb ma'lum qilgan Vardaq viloyati gubernatori vakili Abdulrahmon Mangal.
