Nyu-Yorkdagi to‘y korteji avariyaga uchrashi oqibatida 20 kishi halok bo‘ldi

Nyu-Yorkda 20 kishining o‘limi bilan yakunlangan yo‘l-transport hodisasi ro‘y berdi.

Fox News xabariga ko‘ra, shahar tashqarisidagi hududda to‘y limuzini boshqa avtomobilga to‘qnashib ketgan va yo‘l yoqasidagi piyodalarni bosib o‘tgan. Yo‘l yoqasidagi do‘kon menejyeri The New York Times nashriga, limuzin soatiga 100 kilometr tezlikda harakatlangani haqida aytib bergan.

Ayni vaqtda voqea joyida favqulodda xizmatlar xodimlari ish olib borishmoqda, politsiyachilar hodisa tafsilotlarini o‘rganishmoqda.