Namangan viloyati Favqulodda vaziyatlar boshqarmasidan olingan ma'lumotga asosan, 8 oktabr kuni soat 09:30larda Pop tumani «Uyg‘ur» qishlog‘i hududida joylashgan qo‘riqlanadigan temir yo‘l kesishmasida «Damas» avtomashinasining yuk poyezdi bilan to‘qnashuvi ro‘y bergan.
FVV axborot xizmati xabariga ko‘ra, avtomashina svetoforning qizil chirog‘iga to‘xtamay, «Qo‘shminor-Pop-2» yo‘nalishi bo‘yicha harakatlanayotgan 3008-sonli yuk poyezdi bilan to‘qnashuv sodir etgan.
Yo‘l-transport hodisasi natijasida «Damas» avtomashinasida bo‘lgan 2 nafar fuqaro vafot etgan va 5 nafar fuqaro tan jarohatlari olgan.