Pentagon F-35 qiruvchisining parvozlarini to‘xtatdi

Pentagon 5-avloddagi F-35 qiruvchi samolyotlarining barcha parvozlarini to‘xtatish haqida ko‘rsatma berdi.

Mutaxassislarning fikricha, samolyotlarning yonilg‘i tizimida nosozlik bo‘lishi mumkin. U topilsa, nosoz detal almashtiriladi. Shuningdek, AQSh va boshqa davlatlar qurollanishida bo‘lgan barcha F-35’lar tekshiriladi.

Ta'kidlanishicha, tekshiruv 24 soatdan 48 soatgacha bo‘lgan muddatda tugashi kutilmoqda.

Bunday qaror 28 sentabrda Janubiy Karolina shtatida F-35B samolyoti birinchi marta qulagandan keyin qabul qilingan. 

AQSh samolyotni yaratish bo‘yicha ishlarga 1,5 trln dollar sarflaganiga qaramasdan, OAV samolyotda ko‘plab texnik muammolar mavjudligini ma'lum qilgan.