Turkiya AQShga saudiyalik jurnalist o‘ldirilganini isbotlovchi videoni ko‘rsatdi – WP

Turkiya mutasaddi idoralari AQSh huquq-tartibot idoralariga saudiyalik muxolif jurnalist Jamol Qoshiqchining Saudiya Arabistonining Istanbuldagi konsulligida o‘ldirilganini isbotlovchi videoyozuvni ko‘rsatdi. Bu haqda jurnalist ishlagan The Washington Post nashri ma'lum qildi.

“Arabchada gaplashayotgan Qoshiqchi va bir erkak ovozini eshitish mumkin. U so‘roq qilingani, qiynalgani va o‘ldirilganini eshitish mumkin. Bu yozuv Jamol konsullikka kirgandan keyin u bilan nima sodir bo‘lganiga oydinlik kiritadi”, deb aytgan nashr manbasi. Manbaning ta'kidlashicha, ushbu yozuvlar Saudiya Arabistonining jurnalist o‘ldirilishiga aloqadorligi va jurnalistning boshqa hayot emasligini isbotlaydi.

Nashr Turkiya AQSh tomoniga bu yozuvlarning nusxasini bergani yoki uni namoyish qilganini aniq ayta olmasligini ta'kidlab o‘tgan. 

Jurnalist rasmiy Ar-Riyod siyosatini tanqid qiluvchi maqolalar yozgan. 2 oktabrda u Saudiya Arabistonining Istanbuldagi konsulligiga hujjatlarni rasmiylashtirgani borgan va o‘shandan beri aloqaga chiqmayapti. Jurnalist konsullikda o‘ldirilgani gumon qilinmoqda.