Pentagon sobiq rahbari AQSh va Rossiya munosabatlarini yaxshilash yo‘lini topdi

AQSh sobiq mudofaa vaziri Vilyam Perrining ma'lum qilishicha, Rossiya va Qo‘shma Shtatlar o‘rtasidagi munosabatlar faqat muloqot orqali yaxshilanishi mumkin. Bu haqda «RIA Novosti» xabar bermoqda.

Ushbu bayonot bilan sobiq vazir San-Frantsiskoda bo‘lib o‘tgan «Fort Ross muloqoti» forumi yakunlari bo‘yicha chiqdi.

«Amerika-Rossiya munosabatlari yomon holatda va yaxshilanishga muhtoj, ularni faqat muloqot orqali yaxshilash mumkin», - dedi Perri.

Uning qayd etishicha, forum muloqot platformalaridan biri hisoblanadi. Sobiq vazir bu kabi uchrashuvlarni yanada ko‘proq o‘tkazishga chaqirdi. Bundan tashqari, Pentagon sobiq rahbarining fikriga ko‘ra, davlatlararo hamkorlikni rasmiy darajaga olib chiqish kerak.

Eslatib o‘tamiz, avvalroq AQSh maxsus topshiriqli kuchlari rus qurollarini ishlab chiqarmoqchi ekani haqida xabarlar tarqaldi.