YeI davlat rahbarlari Brexit bo‘yicha muzokaralardan norozi

Yevropa ittifoqining 27 davlati rahbarlari Brexit bo‘yicha muzokaralarda olg‘a siljish yo‘q ekanidan afsusda. Bu haqda RIA «Novosti» manbaga asosan xabar bermoqda.

Aniqlik kiritilishicha, Bryusseldagi sammitda ishtirokchilar jadal bahs-munozaralarga qaramasdan, yetarli darajada o‘zgarishga erishilmaganini qayd etishdi.

Avvalroq, ommaviy axborot vositalari Britaniya bosh vaziri Tereza Mey Brexit masalasi bo‘yicha ichki qarshilikka duch kelgani haqida xabar qilgandi.

Ta'kidlanishicha, Tereza Meyning Yevropa ittifoqi bilan kelishuvni yil oxirigacha tugata olmasligi mamlakatni Brexit bo‘yicha qandaydir bitimsiz Yevropa ittifoqidan chiqishga yaqinlashtiradi.

Eslatib o‘tamiz, avvalroq britaniyalik mashhur musiqachilar Tereza Meyga xat yuborishgani, ular Brexit’ga qarshi ekani xabar qilingandi.