08:47 / 20.10.2018
12730

YeXHT bir soat ichida Donbassdagi harbiy harakatlarni to‘xtatish mumkinligini ma'lum qildi

YeXHTning Ukrainadagi Maxsus monitoring missiyasi rahbarining birinchi o‘rinbosari Aleksandr Xug so‘zlariga ko‘ra, Donbassdagi harbiy harakatlarni bir soat ichida to‘xtatish mumkin. Bu haqda u «Amerika ovozi»ga bergan intervyusida aytib o‘tgan.

Foto: REUTERS

Xugning so‘zlariga ko‘ra, mintaqadagi mojaroning yakun topishi uchun hududlar iqtisodiy tiklanishi va minalardan tozalashga ketadigan vaqtdan ancha ko‘prog‘i talab etiladi. Xugning ta'kidlashicha, hozirgi vaqtda tinchlik rejimini mojaroda ishtirok etayotgan har ikki tomon ham buzmoqda, buning oldini olish uchun ikki tomonning qadamlari zarurdir.

Xugning fikriga ko‘ra, Donbassdagi ziddiyat mintaqadagi barcha bolalar hayotida «hech qachon yo‘qolmaydigan izlar» qoldiradi.

Eslatib o‘tamiz, avvalroq YeXHT Rossiyadan Donbassga yo‘l olayotgan zenit qurilmasini ko‘rsatgandi.

Ukrainadagi YeXHTning Maxsus monitoring missiyasining kuzatuvchilari Rossiyadan Donbassga yo‘l olayotgan yuk mashinalari kolonnasini aniqlashdi, ulardan biri zenit qurilmasini olib ketayotgan bo‘lgan.

Top