YeXHT Rossiyadan Donbassga yo‘l olayotgan zenit qurilmasini ko‘rsatdi

Ukrainadagi YeXHTning Maxsus monitoring missiyasining kuzatuvchilari Rossiyadan Donbassga yo‘l olayotgan yuk mashinalari kolonnasini aniqlashdi, ulardan biri zenit qurilmasini olib ketayotgan bo‘lgan. Ma'lumot YeXHT Maxsus monitoring missiyasining Facebook’dagi sahifasida joylashtirildi.

«Ukraina hukumati nazorati ostida bo‘lmagan Donetsk oblasti tumanida, Rossiya Federatsiyasi bilan chegarada uncha uzoq bo‘lmagan masofada Maxsus monitoring missiyasining uzoq radiusdagi uchuvchisiz uchar qurilmasi yana yuk mashinalari kolonnasini aniqladi. Ular tun yarmida tuproq yo‘ldan harakatlangan, sababi bu yo‘nalishda chegara-o‘tkazish punktlari yo‘q. Yuk mashinalaridan biri zenit qurilmasini olib ketayotgan bo‘lgan», - deyiladi missiya xabarida.

Kuzatuvchilarning ko‘rsatishicha, taqdim etilgan suratlarda 23 millimetrli zenit qurilmasi mavjud (ZU-23-2). Shuningdek, bildirilishicha, missiya avval ham yopiq yuk mashinalari kolonnasini qayd etgan, ular bu hududda Ukraina hududiga kirgan va chiqib ketgan.

Eslatib o‘tamiz, avvalroq Ukraina vaziri fuqarolarga «Moskvani qaytarish» taklifi bilan chiqqandi.