Tayvan hukumati poyezd halokatida necha kishi qurbon bo‘lganini ma'lum qildi

Tayvan hukumati yakshanba kuni sodir bo‘lgan temiryo‘l halokatida 18 kishi halok bo‘lgani va 168 kishi jarohatlanganini ma'lum qildi.

Yakshanba kuni ertalab Shulin shahridan Taydun shahriga ketayotgan Puyuma Express tezyurar poyezdi relsdan chiqib ketgan bo‘lib, halokat sababi hozircha aniqlanmadi. Halokat vaqtida poyezdda 366 kishi bo‘lgan.

Mahalliy hukumat ushbu halokatni orolda keyingi 37 yildagi eng yirik temiryo‘l halokati deb atadi. 1981 yil martda yuk mashinasi bilan to‘qnashish oqibatida poyezd relsdan chiqib ketgan va 30 kishi halok bo‘lib, 130 kishi jarohat olgandi.