O‘zbekiston va Qirg‘iziston Namanganda chegara masalasi bo‘yicha muzokara o‘tkazdi

2018 yilning 15-21 oktabr kunlari Namangan shahrida O‘zbekiston Respublikasi va Qirg‘iziston Respublikasi o‘rtasidagi Davlat chegarasini delimitatsiya va demarkatsiya qilish masalalari bo‘yicha Hukumat delegatsiyalari ishchi guruhlarining muzokaralari bo‘lib o‘tdi. Bu haqda TIV axborot xizmati xabar bermoqda.

Uchrashuv chog‘ida ikki davlat manfaatlari hisobga olingan holda Farg‘ona viloyati hududidagi Shohimardon uchastkasining Qirg‘iziston Respublikasining Botken viloyati bilan tutashgan qismi hamda Namangan viloyati Qandiyon-Buloq uchastkasining Qirg‘izistonning Jalolobod viloyati bilan tutashgan bir qismi bayon qilindi.

Muzokaralar yakunida Bayonnoma imzolandi.