Ўзбекистон ва Қирғизистон Наманганда чегара масаласи бўйича музокара ўтказди

2018 йилнинг 15-21 октябрь кунлари Наманган шаҳрида Ўзбекистон Республикаси ва Қирғизистон Республикаси ўртасидаги Давлат чегарасини делимитация ва демаркация қилиш масалалари бўйича Ҳукумат делегациялари ишчи гуруҳларининг музокаралари бўлиб ўтди. Бу ҳақда ТИВ ахборот хизмати хабар бермоқда.

Учрашув чоғида икки давлат манфаатлари ҳисобга олинган ҳолда Фарғона вилояти ҳудудидаги Шоҳимардон участкасининг Қирғизистон Республикасининг Боткен вилояти билан туташган қисми ҳамда Наманган вилояти Қандиён-Булоқ участкасининг Қирғизистоннинг Жалолобод вилояти билан туташган бир қисми баён қилинди.

Музокаралар якунида Баённома имзоланди.