Germaniya prezidenti Frank-Valter Shtaynmayyer bilan o‘tkazilgan matbuot anjumani vaqtida Polsha prezidenti Andjyey Duda GFR hukumatini «Shimoliy oqim - 2» gaz quvuri qurilishida ishtirok etishdan voz kechishga chaqirdi. Polsha prezidentining so‘zlari «Ukrinform» tomonidan keltirilgan.
Dudaning ma'lum qilishicha, ushbu loyiha «amalga oshirilmasligi kerak». Uning fikricha. «Shimoliy oqim - 2» Yevropadagi energetika muvozanatini buzadi, shuningdek, Yevropaning bir qator mamlakatlariga energetika xavfsizligi masalasida ziyon yetkazadi. Polsha rahbarining bildirishicha, gaz quvuri iqtisodiy emas, balki «geostrategik» loyihadir. Shuningdek, u Yevropa komissiyasi «Shimoliy oqim - 2»ga aniq salbiy baho bermaganidan hayron bo‘ldi.
Polsha prezidentining ta'kidlashicha, Yevropa davlatlari Qo‘shma Shtatlardan ko‘proq suyultirilgan gaz sotib olishlari kerak.
«Bu ham strategik siyosiy qaror», - dedi Duda.
Shtaynmayyer hamkasbining fikriga qo‘shilmadi va energetika resurslarini sotib olish masalasi iqtisodiy jihatdan o‘zini oqlashi kerakligini aytdi.
Eslatib o‘tamiz, avvalroq Polsha prezidenti Ukraina va Slovakiyaga xavf haqida ma'lum qilgandi.