Kattaqo‘rg‘on tumani hokimiyatidagi baxtsiz voqeada jabrlangan ikkinchi kishi ham vafot etdi

15 oktabr kuni Samarqand viloyati Kattaqo‘rg‘on tumani hududida kuzatilgan kuchli shamol natijasida tuman hokimiyati binosining tom qismi pastga qulab tushishi oqibatida jabrlangan ikkinchi kishi ham vafot etdi.

Tumandagi «Tarnov» mahallasi, Tarnov qishlog‘ida yashagan Mardon Qodirov voqea joyida vafot etgandi. 

Ikkinchi jabrlanuvchi – «Burgansoy» mahallasi, Mavlon qishlog‘ida yashovchi Shahobiddin Fayziyev tan jarohati olib, tuman tibbiyot birlashmasiga yotqizilgan edi.

«Kun.uz» manbasi ma'lumotiga ko‘ra, Shahobiddin Fayziyev ham olgan tan jarohatlari tufayli shifoxonada vafot etgan.