«Yuventus» hujumchisi Krishtianu Ronaldu keyingi oydan boshlab, Portugaliya terma jamoasi safidagi o‘yinlarini davom ettirishga qaror qildi.
33 yoshli futbolchi Rossiyada o‘tkazilgan jahon chempionatidan so‘ng, terma jamoadagi faoliyatida tanaffus qilgan edi. Endi u Millatlar Ligasidan o‘rin olgan va noyabr oyida o‘tkaziladigan Italiya va Polsha terma jamoalariga qarshi o‘yinda maydonga tushmoqchi, deb xabar beradi Corriere dello Sport.
Krishtianu Ronaldu Yevropa terma jamoalari tarixidagi eng yaxshi to‘purar hisoblanadi. U Portugaliya tarkibida 154ta o‘yin o‘tkazib, 85ta gol urgan.
