Football Leaks ma'lumotiga ko‘ra, Gvardiola bilan shartnoma imzolash jarayoni maxfiy bo‘lgan.
Mutaxassis 2015 yil 10 oktabr kuni «Manchester Siti» bilan xufyona shartnoma imzolagan.
«Manchester Siti»da o‘tkazgan dastlabki mavsumda Gvardiola 13,5 million funt ishlab olgan, 1 yildan so‘ng qiymat 16,75 millionga yetgan.
Ingliz klubi Gvardiola bilan kelishib olganini sir tutgan. Bitimdan bir necha hafta o‘tgach, Sunday Mirror jurnalisti «Siti» sport direktori Chiki Begiristayn Barselonada Gvardiola bilan uchrashganini yozgan va tomonlar shartnoma haqida kelishib olganini taxmin qilgan.
Shundan so‘ng, «Manchester Siti» matbuot kotibi Saymon Xeggi jurnalistga qo‘ng‘iroq qilib, xabarni o‘chirib tashlashni so‘ragan. Boshqa matbuot nashrlaridan esa bu xabarga e'tibor bermaslikni so‘ragan.
