Xitoyda odamlarni qadam tashlashidan tanuvchi tizim joriy qilindi

Xitoyning Pekin va Shanxay shaharlarida odamlarni qadam tashlashidan tanuvchi tizim joriy qilindi. Bu tizimning aniqligi 94 foizgachani tashkil qilmoqda.

Associated Press axborot agentligining ma'lum qilishicha, algoritm videoyozuvlarni tahlil qilishga asoslangan bo‘lib, 50 metrgacha uzoqlikdagi insonni taniy oladi. Tizimni ishlab chiqqanlarning aytishicha, tizimni yurishni o‘zgartirib aldashning deyarli iloji yo‘q, chunki inson harakatlarining barcha xususiyatlari hisobga olinadi.

Avval mutaxassislar qadam tashlash, inson yuzidan farqli o‘laroq, odamlarni tanishda qo‘llash uchun yetarlicha o‘ziga xosligiga shubha bilan qarashgan.

Hozirda Xitoyda 170 mln kameradan iborat tizim ishlaydi. Huquq himoyachilari bu tizim orqali fuqarolar ortidan “ommaviy kuzatuv” olib borilishi mumkinligidan xavotir bildirishgan.