Hindistonda avtobusning jarlikka qulashi oqibatida 14 kishi halok bo‘ldi

Hindiston shimolida avtobusning jarlikka qulashi oqibatida 14 kishi halok bo‘ldi. Jarohat olganlar 13 kishini tashkil qilgan.

Halokat Uttarakxand shtatida yuz bergan. Avtobus haydovchisi tog‘ yo‘lining qiyin qismida boshqaruvni qo‘ldan chiqargan. Oqibatda mashina chuqurligi 150 metrga yaqin bo‘lgan daraga tushib ketgan.

Ayni vaqtda qutqaruvchilar mahalliy aholi yordamida halok bo‘lganlar va jarohatlanganlar evakuatsiyasini o‘tkazishmoqda.