Yandeks yangilangan «Andromeda» qidiruv tizimini taqdim etdi
Yandeks kompaniyasi «Andromeda» nomi ostida yangilangan qidiruv tizimini taqdim etdi. Eng asosiy yangilanishlar qidiruv tizimining uch yo‘nalishida amalga oshirildi, bular: foydalanuvchi qo‘ygan savolga tezkor javoblar, manbalarni qidirishda yordam va qidiruv natijalarini saqlab qo‘yish imkoniyatidir.
Tezkor javoblar
Endilikda tezkor javoblar orqali kerakli fakt haqida bilishdan tashqari, qayerda ovqatlanish mumkinligi, u yoki bu shaxs nimasi bilan mashhurligi, ommaviy axborot vositalari nimalar haqida yozayotgani va xokkey yoki futbol olamida nimalar sodir bo‘layotgani haqida ham bilish mumkin. Masalan, Ispaniya chempionati haqida so‘rov yuborilsa, qidiruv natijalarida turnir jadvali, uchrashuvlar sanasi, chempionat yangiliklari chiqadi.
Manba tanlash
Qidiruv natijasida topilgan saytlarning sifatiga e'tibor qaratildi: ular foydalanuvchiga qay darajada yordam bera oladi, bu saytlarga foydalanuvchilar qanchalik ko‘p kiradi – qidiruvda mana shu omillar hisobga olinadi.
Kolleksiya
Yangilangan qidiruv tizimi bir harakat bilan ma'qul kelgan narsalar: havolalar, filmlar, video yoki suratlarni saqlash imkonini beradi. Ular Yandeks.Kollektsii servisiga tushadi va ularni har qanday qurilma orqali ko‘rish mumkin bo‘ladi.
Mazkur servisda foydalanuvchi o‘z kolleksiyasini yaratishdan tashqari, boshqalarning kolleksiyalariga ham obuna bo‘lishi mumkin. Masalan, telefonlarga qiziqqan foydalanuvchi boshqalarning shu mavzudagi kolleksiyalariga obuna bo‘lishi va ko‘rishi mumkin bo‘ladi.
Mavzuga oid
08:40 / 07.09.2024
Turkiyaga ketib, bedarak yo‘qolgan o‘zbekistonlik yigit qidirilmoqda
14:48 / 21.08.2024
RQXga Kursk yaqinida fuqarolarni qidirish bo‘yicha 1500 ta ariza kelib tushdi
07:46 / 27.06.2024
Ma’muriy qamoqxonalarga tezkor-qidiruv faoliyatini amalga oshirish huquqi beriladi
07:35 / 15.05.2024