Illyustrativ foto
Shu yilning 13 oktabr kuni noma'lum shaxs Toshkent shahrining Mirobod tumanida yashovchi Ye.K. (ayol)ning uyiga qog‘oz chiqindilarni sotib olishni aytib kirgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs uning chalg‘iganligidan foydalanib uyidan umumiy qiymati 21 mln. 400 ming so‘mlik 15 turdagi zargarlik buyumlari, uy suvenirlarini o‘g‘irlab ketganlar.
Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Bektemir tumanida yashovchi S.S. sodir etganligi aniqlanib, ushlangan.
Tergov davom etmoqda.
