Tramp GM’ga tahdid qildi

AQSh prezidenti Donald Tramp tvitterdagi o‘z sahifasida General Motors (GM) avtomobil korporatsiyasiga subsidiyalarni olib tashlash bilan tahdid qildi. Bu kompaniya moliyaviy muammolar sababli Amerika fabrikalaridagi minglab ishchilarni ishdan bo‘shatish rejalari haqida e'lon qilgani tufayli yuz berdi.

Trampning e'tibor qaratishicha, GM Qo‘shma Shtatlarning Ogayo, Michigan va Merilend shtatlarida zavodlarni yopish niyatida, biroq, shu bilan birga, Meksika hamda Xitoydagi fabrikalar qolmoqda. Shu munosabat bilan Amerika yetakchisi korporatsiyaga barcha subsidiyalarni qisqartirish niyatida ekanini bildirdi.

«Qo‘shma Shtatlar General Motors’ni saqlab qoldi. Endi esa bu bizga ko‘rsatilayotgan minnatdorlik belgisi!», - deya yozgan Tramp.

Uning fikriga ko‘ra, GM’ning Amerika va Xitoy bozorlariga bo‘lgan taklifi o‘zini qoplamaydi.

«Men amerikalik ishchilarni himoya qilishim kerak!», - deya xulosa qilgan Tramp.

Eslatib o‘tamiz, avvalroq Tramp Xitoyga qarshi yangi bojlar joriy etishi mumkin ekani xabar berilgandi.