Трамп GM’га таҳдид қилди

АҚШ президенти Дональд Трамп твиттердаги ўз саҳифасида General Motors (GM) автомобиль корпорациясига субсидияларни олиб ташлаш билан таҳдид қилди. Бу компания молиявий муаммолар сабабли Америка фабрикаларидаги минглаб ишчиларни ишдан бўшатиш режалари ҳақида эълон қилгани туфайли юз берди.

Трампнинг эътибор қаратишича, GM Қўшма Штатларнинг Огайо, Мичиган ва Мэриленд штатларида заводларни ёпиш ниятида, бироқ, шу билан бирга, Мексика ҳамда Хитойдаги фабрикалар қолмоқда. Шу муносабат билан Америка етакчиси корпорацияга барча субсидияларни қисқартириш ниятида эканини билдирди.

«Қўшма Штатлар General Motors’ни сақлаб қолди. Энди эса бу бизга кўрсатилаётган миннатдорлик белгиси!», - дея ёзган Трамп.

Унинг фикрига кўра, GM’нинг Америка ва Хитой бозорларига бўлган таклифи ўзини қопламайди.

«Мен америкалик ишчиларни ҳимоя қилишим керак!», - дея хулоса қилган Трамп.

Эслатиб ўтамиз, аввалроқ Трамп Хитойга қарши янги божлар жорий этиши мумкин экани хабар берилганди.