Moskva politsiyasi o‘zbekistonlik migrantni chiqindi qutisidan topilgan ayolni o‘ldirganlikda gumonlamoqda

Moskva politsiyachilari ko‘cha tozalovchi migrantni ayol kishini o‘ldirganlikda gumonlab qo‘lga olishdi.

«360» telekanalining huquqni muhofaza qilish organlaridagi o‘z manbasiga asosan xabar berishicha, «O‘zbekistonning 42 yoshli fuqarosi 10 dekabr kuni Severniy Butovodagi Grin ko‘chasida yosh ayolni bo‘g‘ib o‘ldirgan, keyin uning jasadini chiqindi qutisiga tashlab yuborib, o‘zi voqea joyidan yashiringan».

11 dekabr kuni gumondor qo‘lga olindi. Tergovchilar dalil sifatida undan ikkita ip gazlamali va bitta lateksli qo‘lqopni, shuningdek, qora paketni olishdi. Xuddi shunday paketga qizning jasadi o‘rab qo‘yilgan.

Ayni paytda uning jasadi sud-tibbiy ekspertiza byurosiga jo‘natildi.