![](https://storage.kun.uz/source/3/X9-MfNoq23WLEnZFCGUWDi3vc7MRWyB9.jpg)
Nursulton Nazarboyev xalqaro aeroportida Embraer 190-E2 yangi samolyoti taqdim etildi. Noyob avialayner, birinchi navbatda, dizayni bilan e'tiborni jalb qiladi. Samolyot fyuzelyajining burun qismi qor qoploni tasviri bilan bezatilgan, deya xabar qilmoqda «Astana» telekanali.
![](https://storage.kun.uz/source/3/n7uD7kBQujYj3ANR5nlegvMT-p4AEtrP.jpg)
«Eyr Astana» shu tarzda butun dunyoga noyob hayvonlarning yo‘qolishi haqida muntazam ravishda eslatmoqchi. Rejaga ko‘ra, yangi samolyotlar nafaqat Qozog‘iston bo‘ylab, balki Rossiya, Markaziy Osiyo, Kavkaz va Xitoyga ham parvoz qiladi.
![](https://storage.kun.uz/source/3/GHkIcBTRbOY58h9nezhIfXr3-mX1WYV9.jpg)
Samolyotning birinchi parvozi 19 dekabrda Ostona - Olmaota yo‘nalishi bo‘yicha amalga oshiriladi, deya aytib o‘tdi aviakompaniya prezidenti Piter Foster.
Laynerning qiymati - 34 million dollar. Ishlab chiqarilgan mamlakat - Braziliya. Kelgusi yillarda aviakompaniya parki yana to‘rtta samolyot bilan to‘ldiriladi.
![](https://storage.kun.uz/source/3/WREd0TCsN1RYuCzvZDbJ_Ij1kmgRjz-K.jpg)
Avvalroq, kompaniya yangi samolyot yaxshilangan aerodinamikaga ega katta qanot, yangi bort uskunalari va takomillashtirilgan dvigatellarga ega ekani haqida ma'lum qilgandi.