Avstraliyada samolyot tahdid haqidagi xabardan so‘ng favqulodda qo‘ndirildi

Avstraliyaning Sidneydan Melburnga uchayotgan Tigerair aviakompaniyasi samolyoti bortida “yozma tahdid” topilgani sababli zudlik bilan ortga qaytishga va qo‘nishga majbur bo‘ldi, deb xabar berdi New Daily nashri.

Nashrning bildirishicha, parvoz boshlanganidan yarim soatcha o‘tganidan so‘ng samolyot kapitanini tahdid haqida ogohlantirishgan. Samolyot qo‘nishi bilan uni politsiyachilar o‘rab olgan.

Yo‘lovchilarga telefonlarini o‘chirib qo‘yish va joyidan turmaslik aytilgan. Ular samolyotni ikki soatdan so‘ng tark etishgan.

Voqea haqida boshqa batafsil ma'lumotlar keltirilmayapti.