2018 yilning 13-19 dekabr kunlari Turkmanobod shahrida O‘zbekiston Respublikasi va Turkmaniston o‘rtasidagi Davlat chegarasini delimitatsiya va demarkatsiya qilish bo‘yicha O‘zbekiston-Turkmaniston hukumatlararo qo‘shma komissiyasi ishchi guruhlarining uchrashuvi bo‘lib o‘tdi.
TIV xabariga ko‘ra, muzokaralar chog‘ida O‘zbekiston-Turkmaniston davlat chegarasi uchastkasida amalga oshirilgan qo‘shma dala topografik-geodeziya ishlari natijalari ko‘rib chiqildi, 2018 yilda bajarilgan ishlar sarhisob qilindi hamda 2019 yildagi uchrashuvlarning reja-jadvali kelishib olindi.
O‘zbekiston-Turkmaniston davlat chegarasini demarkatsiyasi qilishning normativ hujjatlari loyihalari ustidagi ishlar yakunlandi.
Uchrashuv an'anaviy do‘stlik va hamfikrlilik ruhida bo‘lib o‘tdi. Muzokaralar yakunida Bayonnoma imzolandi, deyiladi xabarda.