Foto: Xushnud Raxmatullayev
O‘zbekiston va Tojikiston chegara qo‘shinlari birinchi qo‘shma harbiy kengash yig‘ilishini o‘tkazdilar. Bu haqda Tojikiston Milliy xavfsizlik davlat qo‘mitasi Chegara qo‘shinlari matbuot xizmati xabar bergan.
Xabar qilinishicha, uchrashuv dekabr oyining yigirma birinchi va yigirma ikkinchi kuni Gulistonda bo‘lib o‘tdi.
Uchrashuv chog‘ida tomonlar ikki mamlakat chegara qo‘shinlari o‘rtasidagi hamkorlikni rivojlantirishdan manfaatdor ekanliklarini bildirishdi.
Shuningdek, Afg‘oniston bilan chegaradagi operativ vaziyat muhokama qilindi. Bundan tashqari, kelgusi yil uchun hamkorlik rejasi ishlab chiqildi.
Eslatib o‘tamiz, avvalroq O‘zbekiston va Tojikiston o‘rtasida strategik sheriklik to‘g‘risidagi shartnoma ratifikatsiya qilingandi.
