«Rossiya bosqinidan himoya». Tereza Mey britaniyalik harbiylarni maqtadi

Foto: REUTERS

Buyuk Britaniya bosh vaziri Tereza Meyning ma'lum qilishicha, britaniyalik harbiylar mamlakatning «Rossiya bosqinidan» himoyasini ta'minlashda muhim rol o‘ynamoqda. Bu haqda TASS xabar berdi.

Agentlik ma'lumotiga ko‘ra, Mey harbiylarni Solsberi ko‘chalarini GRU sobiq polkovniki Sergey Skripal va uning qizi Yuliya zaharlangan asab-falajlovchi modda izlaridan tozalash bo‘yicha ishlari uchun maqtagan.

Qayd etilishicha, Meyning fikricha, Britaniya qurolli kuchlari «Sharqiy Yevropada ittifoqchilarni» mustahkamlash ishiga ham jalb etilgan.

Eslatib o‘tamiz, avvalroq Britaniya OAV Rossiya va Ukraina o‘rtasidagi «uchinchi jahon urushi» haqida yozgandi.