Britaniyaning The Daily Express nashrida «Uchinchi jahon urushi: Rossiya Azovga raketa kemasini jo‘natmoqda, u mojaroga tayyor» sarlavhali material paydo bo‘ldi.
Materialda qayd etilishicha, Rossiya fregati (soqchi harbiy kema) «Moskva va Ukraina o‘rtasidagi uchinchi jahon urushi» fonida Azov dengizi tomon harakat qilmoqda. Shuningdek, mintaqadagi mamlakatlar o‘rtasidagi inqiroz ochiq qarama-qarshilikka aylanib ketishi mumkinligi ham istisno etilmagan.
Bundan tashqari, Rossiya Tashqi ishlar vazirligi rasmiy vakili Mariya Zaxarovaning so‘zlari keltiriladi. Uning ta'kidlashicha, ko‘rsatilgan hududda qayd etilgan Rossiya kuchlari xavfsizlikni ta'minlash, shuningdek, Qrim ko‘prigini himoya qilish uchun zarurdir.
Eslatib o‘tamiz, avvalroq Rossiya Tashqi ishlar vaziri Sergey Lavrov Ukraina bilan urush ehtimoli haqida o‘z fikrini bildirgandi.
