Foto: National Geographic
Samarqand viloyatining Qo‘shrabot tumanida Navoiy kon metallurgiya kombinati tasarrufidagi Janubiy kon boshqarmasiga qarashli 4-sonli Gidrometallurgiya zavodining “Ma'dan maydalash” uchastkasining uch nafar ishchisi jinoiy til biriktirgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ular shu yilning 23 dekabr kuni umumiy qiymati 6 961 035 so‘mlik tarkibida 20,67 gr. oltin moddasi bo‘lgan 386 kg. ma'danli toshlarni o‘g‘irlab chiqib ketayotgan vaqtlarida qo‘lga olingan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
