Toshkentdagi «Badiiy ko‘rgazmalar» saroyida yong‘in sodir bo‘ldi

Joriy yilning 28 dekabr kuni Toshkent shahrining Yakkasaroy tumanida “Badiiy ko‘rgazmalar” saroyida yong‘in sodir bo‘ldi, deb xabar berdi O‘zbekiston IIV Jamoatchilik va ommaviy axborot vositalari bilan aloqalar boshqarmasi. 

Ko‘rilgan choralar natijasida yong‘in o‘chirilgan.

Xabarda aytilishicha, yong‘in oqibatida ko‘rgazma saroyidagi xizmat xonasida 30 kvadrat metr maydonda xona jihozlari yonib zarar ko‘rgan. Jarohat olganlar yo‘q. 

“Yong‘in kelib chiqish sababi va keltirilgan moddiy zarar miqdori aniqlanmoqda. Surishtiruv ishlari olib borilmoqda”, deyiladi xabarda.