2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi jamoatchilik muhokamasi uchun taqdim etildi.
Hujjat bilan fuqarolarning saylovga oid huquqlarini ta'minlashni takomillashtirish rejalashtirilmoqda. Xususan, chora-tadbirlar rejasi ishlab chiqiladi.
Rejada:
ozodlikdan mahrum etish joylarida saqlanayotgan shaxslarga saylash huquqini berish bo‘yicha xalqaro va xorijiy tajribani o‘rganish;
istiqbolda ozodlikdan mahrum etish joylarida saqlanayotgan shaxslarga sodir etgan jinoyatiga qarab saylash huquqini berish, shu jumladan qonun hujjatlariga o‘zgartish va qo‘shimchalar kiritish bo‘yicha aniq takliflarni ishlab chiqish;
ushbu masala bo‘yicha keng targ‘ibot va tushuntirish ishlarini olib borish nazarda tutiladi.
2019 yilning 1 fevraliga qadar Markaziy saylov komissiyasi, Oliy Majlis palatalari (kelishuv asosida), Adliya vazirligi, Qonunchilik muammolari va parlament tadqiqotlari instituti, IIV tegishli hujjat loyihasini ishlab chiqadi.
