O‘zbekistonda «Raqamli kriminalistika» laboratoriyasi paydo bo‘ladi

Mamlakatning axborot xavfsizligini ta'minlash bo‘yicha ishlarning samaradorligi oshiriladi. Bu haqda 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi loyihasida aytilgan.

Ta'kidlanishicha, tegishli Chora-tadbirlar rejasi tayyorlanadi. Rejada:

“raqamli kriminalistika” ixtisoslashtirilgan laboratoriyasini yaratish;

milliy kibermakonda axborot xavfsizligi hodisalariga tezkor chora ko‘rish bo‘yicha “UZCERT” xizmatini takomillashtirish;

axborot xavfsizligi talablariga muvofiq davlat organlarida qo‘llaniluvchi dasturiy ta'minotni sertifikatsiyalash mexanizmini tatbiq etish;

kiberjinoyatlardan saqlanish va ularning oldini olish nazarda tutiladi

Bajarish muddati - 2019 yil 1 avgust, ijro uchun mas'ullar - O‘zaloqanazorat inspeksiyasi, DXX, Axborot texnologiyalari va kommunikatsiyalarini rivojlantirish vazirligi, Bosh prokuratura, Matbuot va axborot agentligi, Din ishlari bo‘yicha qo‘mita, Respublika ma'naviyat va ma'rifat markazi.