Ўзбекистонда «Рақамли криминалистика» лабораторияси пайдо бўлади

Мамлакатнинг ахборот хавфсизлигини таъминлаш бўйича ишларнинг самарадорлиги оширилади. Бу ҳақда 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури лойиҳасида айтилган.

Таъкидланишича, тегишли Чора-тадбирлар режаси тайёрланади. Режада:

“рақамли криминалистика” ихтисослаштирилган лабораториясини яратиш;

миллий кибермаконда ахборот хавфсизлиги ҳодисаларига тезкор чора кўриш бўйича “UZCERT” хизматини такомиллаштириш;

ахборот хавфсизлиги талабларига мувофиқ давлат органларида қўлланилувчи дастурий таъминотни сертификациялаш механизмини татбиқ этиш;

кибержиноятлардан сақланиш ва уларнинг олдини олиш назарда тутилади

Бажариш муддати - 2019 йил 1 август, ижро учун масъуллар - Ўзалоқаназорат инспекцияси, ДХХ, Ахборот технологиялари ва коммуникацияларини ривожлантириш вазирлиги, Бош прокуратура, Матбуот ва ахборот агентлиги, Дин ишлари бўйича қўмита, Республика маънавият ва маърифат маркази.