Venesuela Peruni elchixonaga hujumda aybladi

Venesuela tashqi ishlar vaziri Xorxe Arreasaning ma'lum qilishicha, Peru poytaxti Lima shahridagi elchixonaga hujum uyushtirilgan. Bu haqda u tvitterdagi sahifasida yozdi.

Venesuela TIV rahbarining qayd etishicha, Peru hukumati hujumga javobgar sanaladi. Uning qo‘shimcha qilishicha, «jinoyatchilar to‘dasi» diplomatik missiya binosiga kirgan, biroq u ular nima qilganiga aniqlik kiritmadi. Jabrlanganlar va mol-mulkka yetkazilgan zarar haqida ma'lumot ham yo‘q.

«Biz Vena konvensiyasi bajarilishini talab qilamiz», - deya xulosa qilgan vazir.

Eslatib o‘tamiz, avvalroq Argentina venesuelalik amaldorlar uchun mamlakatga kirishni taqiqlagandi.